Конституциялық Кеңес конституциялық заңнаманы қамтамасыз етуде маңызды роль атқарады. Оның қызметі – қазақстандық заңнаманың Негізгі Заңның рухына және әрпіне сәйкес келуінің берік кепілі
Н. Назарбаев

Құрметті оқырмандар!

Сіздердің назарларыңызға Қазақстан Республикасы Конституциялық Кеңесінің ресми сайтын ұсынып отырмыз. Сайтта Конституциялық Кеңестің қорытынды шешімдері, оның қызметін реттейтін қолданыстағы заңнама, ғалымдар мен практик-заңгерлердің мақалалары, сондай-ақ өзге де ақпарат орналастырылған.

Біздің сайтымызға келушілер арасында тек заңгерлер мен құқықтанушылар, мемлекеттік қызметшілер ғана емес, Қазақстан Республикасында конституциялық бақылауды жүзеге асыру практикасына қызығушылық танытатын басқа адамдар да болады деп ойлаймыз.

Қазақстан Республикасы Конституциялық Кеңесінің Төрағасы И. Рогов

Қазақстан Республикасы Конституциялық Кеңесінің қазіргі құрамы

В.А.Малиновский, У.Шапак, А.Қ. Дауылбаев,   И.И.Рогов, А.М.Нұрмағамбетов, Н.В.Белоруков, Ү.М.Стамқұлов  (солдан оңға)

Жаңалықтар

Ағымдағы жылғы 29 тамызда Астана қаласында Қазақстан Республикасы Тәуелсіздігінің 25 жылдығына және Конституция Күніне арналған «Конституция – қоғам мен мемлекеттің серпінді және тұрақты дамуының негізі» атты халықаралық ғылыми-практикалық конференция болды.

 

Биыл 24 тамызда өмірден беймезгіл өткен көрнекті мемлекет және қоғам қайраткері, Қазақстан Республикасының белгілі заңгері Ю.А.Хитриннің туғынына 70 жыл болады.

2016 жылғы 8-12 тамыз. Денпасар қаласы (Индонезия) Конституциялық Кеңестің Төрағасы  И.И. Рогов,  сондай-ақ аппарат бөлімдерінің басшылары Б.М.Нұрмұханов және Қ.К.Алдоңғаров  Азия елдерінің конституциялық соттары мен баламалы институттары Қауымдастығының «Азаматтардың конституциялық құқықтарын ілгерілету және  қорғау»  атты 3-ші Конгрессіне  қатысты.

Іс-шараға конституциялық бақылау органдарының бірінші басшылары, Еуропа Кеңесі Венеция комиссиясының басшылығы, беделді халықаралық уйымдар мен құқық қорғау институттарының  өкілдері   қатысты.

 

Алматы, 2016 жылғы 12-14 шілде. Конституциялық Кеңес мүшесі Н.В. Белоруков «Адам құқықтары жөніндегі көрсеткіштерді дамыту үшін қолдау және халықаралық стандарттар мен ұсынымдарды жүзеге асыру бағалауды жетілдіру» жобасын іске асыру аясында «Адам құқықтары үшін хартия» Қоғамдық қорының шақыруы бойынша халықаралық органдар мен ұйымдар қабылдаған ұсынымдардың Қазақстан Республикасымен орындалуы мәселелерін талқылау жөнінде Екінші Эксперт отырысына қатысты.

 

2016 жылғы 24 маусым. Қазақстан Республикасы Конституциялық Кеңесінің Төрағасы И. Рогов Корея Республикасы Жоғарғы Сотының Төрағасы Е.П. Янг Сынг-тэ басқарған осы елдің делегациясын қабылдады. Делегацияға Корея Республикасының Қазақстан Республикасындағы Төтенше және Өкілетті елшісі Чо Ёнгчон еріп жүрді.

КК шешімдері

Сөйленген сөздер